Turorientering
med barneturar på skogsvegane og stiar
Turorientering er eit trimtilbod for alle aldersgrupper. Det går ut på å finne postar som er plasserte ute i terrenget. Eit av formåla er å oppmuntre til å legge turen til nye stader. Nokre av dei første postane er likevel i det same terrenget som for 3 år sidan. Desse er lagde mest med tanke på nye deltakarar. Deltakarane får poeng for kvar post dei er innom. På posten heng ei klippetang, og ein klipper i kontrollkortet. Dei raude og kvite postflagga finst oftast på trestammar, vardar og liknande
Turorienteringspostane for 2010 er no på plass. 16 postar i Kaupangerskogen. Frå Skytebana mot Storehogen, lette å finna og lette å nå, egnar seg for fam. med små barn. 14 postar ligg i Sogndalsdalen. Frå Nuken til Torstadnakken. Desse postane er meir krevjane å nå, men så får ein løn for strevet når ein kjem fram: Mange poeng og flott utsikt. Eit par av desse postar er enno ikkje komne ut på grunn av mykje snø i området, men vert lagt ut så snart det er mogeleg å koma seg fram.
O-konvoluttar får ein kjøpt på Intersport i Sogndal og Shell på Kaupanger.