.jpg)
[COPYRIGHT]
Norsk og Koreansk forsvarstradisjon kom saman i Fredrikstad
(12.06.2010 14:41:00) | 347 visingar
Trond Schøyen Høgi med 2. dan og to nye utøvarar med svart belte i klubben. Les meir om sommarleiren 2010....
.jpg)
Noko meir enn 150 Taekwondo utøvarar var samla helga 11. til 13. juni for å trene og gradere seg på årets sommarleir. Årets leir var lagt til
gamleby`n i Fredrikstad, som har lange og stolte forsvarstradisjonar. Med andre ord ei vakker ramme og ein verdig arena for utøving av forsvarsteknikk.
I Fredrikstad fann utøvarar i alderen 6 til 60 år fellesskap og glede i sporten sin. Som foreldre og tilskodar var det ekstra flott å sjå at dette er ein sport som bind saman utøvarar på tvers av alder og generasjonar. Sogndal Taekwondo klubb sin tropp utgjorde 22 utøvarar og nesten like mange som støtta og klappe frå tribuna. I tillegg til utøvarar frå Sogndal og Skedsmo, var klubbar frå Trondheim, Nausdal, og Kolbu representert.
Dei heile blei ”overvåka” og leia av Grandmaster Kim, som hadde med seg ein liten hær av underoffiserar til å hjelpe seg. Grandmaster Kim har sjølv svart belte 8 Dan.
Laurdag var det trening frå kl 09:00 til kl 17:00. Søndag opna med trening og siste fin puss av teknikken.
Før sjølve graderinga starta var det lagt inn ei økt med oppvisning og Taekwondo stunts av utøvarar frå Skedsmo Taekwondo klubb.
Søndag presis kl 12:00 starta graderinga av 124 utøvarar. Dei to yngste til å grader seg er fødd i 2001 og den eldste fødd i 1964 (alle frå Skedsmo). Heile 12 utøvarar graderte seg i kategoriane 2. til 5. Dan svart belte. Desse utøvarane må prestere på svært høgt nivå med millimeter presisjon. I tillegg må dei utføre flygande spark og knuse fleire lag med harde steinblokker. Frå tribuna vart det raust delt ut aplaus, og det vart observert tåre i opp til fleire augnekrokar.
Sogndal sin utøvarar gjorde som alltid ein flott figur. Heile 18 av våre kom seg gjennom Grandmaster Kim sit strenge nålauge. Liste med namn og grad står lenger ned på sida.
Det var
Skedsmo Taekwondo klubb som var vertskap for årets sommarleir. Laurdag kveld var det grilling og sosialt samvær på Fredrikstad motell og camping.
Heile arrangementet gjekk smertefritt. Det var kjekt å vere tilreisande. Alt ”funka”, både det sportslege og det sosiale. Sjølv om værgudane var litt grinete la ikkje det noko dempar humøret.
STOR APPLAUS til Skedsmo Taekwondo klubb !!
Desse utøvarane frå Sogndal graderte seg:
| Lillian Pedersen |
8.cup |
- Gult belte
|
| Marie Petterson |
7.cup |
- Grøn stripe |
| Bente Karin Vigdal |
7.cup |
- Grøn stripe |
| Edward Tandberg |
6.cup |
- Grønt belte |
| Eline Ylvisåker |
6.cup |
- Grønt belte |
| Olivia Høgi Schøyen |
6.cup |
- Grønt belte
|
| Silje Sva |
6.cup |
- Grønt belte
|
| Sara Lysgård |
6.cup |
- Grønt belte
|
| Kristin Ylvisåker |
6.cup |
- Grønt belte
|
| Nicolai Lie Kortner |
5.cup
|
- Blå stripe |
| |
|
|
| Ola Kinserdal |
3.cup |
- Raud stripe |
| Malin Hundere |
3.cup |
- Raud stripe |
| Tonje Torvanger |
3.cup |
- Raud stripe |
| Runar Langeteig |
1.cup |
- Svart stripe |
| Øystein Myklemyr |
1.dan |
- Svart belte |
| Sondre S. Årethun |
1.dan |
- Svart belte |
| Trond Schøyen Høgi |
2.dan |
- Svart belte |
Klubben gratulerar alle med flott prestasjon og nytt belte!
Ekstra stas er det for Øystein Myklemyr og Sondre S. Årethun som klarte svart belte.
Og sist, men ikkje minst, gratulerar vi klubben sin hovudtrenar - Trond Schøyen Høgi - som no har gradert seg til svart belte med 2 Dan.