[COPYRIGHT]
 

Moro på turnkurs!

(21.01.2010 21:11:00) | Skrive av: Turn | 888 visingar

 

"Dette var utruleg moro og lærerikt" sa 14 år gamle Lene Veum etter hjelpetrenarkurset i turn laurdag 9. januar. Saman med i alt 22 trenarar og turnarar frå Eid, Lærdal og Sogndal fullførte ho Noregs Gymnastikk- og Turnforbund sitt hjelpetrenarkurs.

 

 Sogn og Fjordane Gymnastikk- og Turnkrets arrangerte kurset saman med Sogndal IL Turn. Hjelpetrenarkurset er eit heilt nytt kurskonsept frå Noregs Gymnastikk- og Turnforbund.

 

Harald Mjøs og Johannes Laberg frå Øvre Årdal var dyktige og inspirerande kursleiarar.

Kurset inneheld både teori og praksis. Innhaldet i kurset gjekk på hjelpetrenarrolla, reglar for barneidrett, skadehandtering, idrettens barnerettar, matteturn med sikring og mottak, musikk og rytmeleikar, aktivitetar med småreidskap og stasjons- og apparatløyper.

 

Dei 22 deltakarane frå 13-45 år gav gode tilbakemeldingar til kurshaldarane.