Bronse til Roger

(19.11.2009 11:31:00) | 359 visingar

Roger Navarsete løfta seg til ein tredje plass på junior-NM i Alta.

Roger Navarsete (Sogndal IL) tok bronse på årets junior- NM, som blei arrangert i Alta. Han løfta i klasse junior -82,5 kg. Resultata var 210 kg i knebøy, 180 kg i benkpress og 190 kg i markløft, som gav totalen 580 kg. Høgare kroppsvekt enn løftar som blei nr. 2, gjorde at han ikkje tok sølv. Roger har hatt ei flott utvikling som styrkeløftar. Det kjem til å bli fleire merittar på denne karen i framtida. Allereie i mars, neste år, har han mogelegheita til å sikre seg ein ny medalje på NM i benkpress. Me håpar på gull.

Dag-André Mo (leiar)